منتدى *-*صمت الايام *-*(وحيدة كالقمر)
هلا وغلا ...
نور المنتدى بقدومك
اهلا وسهلا فيك بمنتدى *-*صمت الايام (وحيدة كالقمر)*-*
مع تحيات الادارة :دعاء
http://7bna.com/up/uploads/5333a8b29e.jpg



 
الرئيسيةالتسجيلدخول
Cool Red Outer
Glow Pointer
عيـــــــــــــد ميلاد سعيد انشالله سنة2012 تحقق امانينا جميعا
المواضيع الأخيرة
» ديوان رصاصة فى قلب الجياد العجوزة محمود العياط
الأربعاء مارس 26, 2014 9:13 am من طرف محمود العياط

»  اوبريت عرائس الفنان عادل امام ابن الكوميديا
الأحد أكتوبر 20, 2013 5:55 pm من طرف محمود العياط

» ديوان الطير المغرد --للشاعر محمود العياط
الجمعة سبتمبر 20, 2013 11:43 am من طرف محمود العياط

» فتاة ترسم بحلمة ثديها
الأحد سبتمبر 08, 2013 3:57 pm من طرف محمود العياط

» البنات والصيف والمينى جيب
السبت مايو 05, 2012 7:54 am من طرف محمود العياط

»  لا للتدخين
الجمعة أبريل 06, 2012 6:40 am من طرف محمود العياط

»  انتهى زمن كرة القدم
الجمعة مارس 16, 2012 3:57 pm من طرف محمود العياط

» ما اريدك سهل
الجمعة فبراير 10, 2012 8:00 am من طرف khaleel rbah

» هموم الزمن
الخميس نوفمبر 24, 2011 12:25 pm من طرف صمت الايام

ازرار التصفُّح
 البوابة
 الرئيسية
 قائمة الاعضاء
 البيانات الشخصية
 س .و .ج
 بحـث

شاطر | 
 

 قصيدة حزينة -تذكرني حبيبي-

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
صمت الايام
المدير
avatar

عدد المساهمات : 185
تاريخ التسجيل : 23/08/2010
العمر : 26
الموقع : www.samtalayam.mam9.com

مُساهمةموضوع: قصيدة حزينة -تذكرني حبيبي-   الإثنين نوفمبر 01, 2010 2:11 am

..تذكر يوم أقولك جسد يحتوي روحين..

.. وأوعدك ما أخليك وتوعدني ما تخليني..


..أذكر يومها أشوف بالدنيا بس اثنين ..!

.. قلبي اللي يحبك وقلبك اللي يحويني ..


..بعدها بأيام شفت ايدك تحتضن ايدين ..

.. وانصدمت يوم شفت إنها غير ايديني ..


..سكت لجل خاطرك وقلت مرحبا بالزين ..

.. مرحبا باللي القلب لجله حيل كاويني ..


..مر يوم واسبوع وشهر وبعدها بشهرين ..

.. وهو لازال مايدري بإني شفته بعيني ..


..وأخاف إني أقوله له خاين وينجرح بعدين ..

.. وأخاف أسكت وبسكوتي صمتي حيل يشقيني ..


..واجهته وأنا أبكي والعين تحتضن العين ..

.. سألته : ليه تنساني ؟ ولى ماكنت تغليني ؟؟


..سكت ولفّ عني وخبى وجهه بالإيدين ..

.. اللي كانت تحضني وغيرها ما تدفيني ..


..سحبت أيدينه و مسحت الدمع على الخدين ..

.. وقلت له والله أحبك ولو إنك تخليني ..!


..سكت فتره وقال لي : لازلتي تحبيني ؟؟

.. بعد اللي تشوفينه لا زلتي تحبيني ؟؟


..ابتسمت وقلت أنت ماعرفت للحين ..

.. إني أحبك حيل واللي يرضيك يرضيني ..


..سكت فتره وأنا أعاود فرحة بقت لسنين ..

.. وتركته وتركت حبه اللي بقى فيني ..


..وصارت الدمعة إذا هلّت أقول أهلين ..

.. والبسمة هجرتني ونست دربها فيني ..


..بعدها بأيام سمعت خبر والله شين ..

.. سمعت إنه مااااااااااات وهو يطلب يلاقيني ..

.. ويوم إني رحت .. وصيته لي بورقتين ..
.. الأولى فيها اسمي كتب بدمه يغليني ..


والثانيه يقول فيها: أبي أوضحلك شيئين ..

.. الأول أحبك حيل وماسكن غيرك شراييني ..


..والثاني أمانه لا جيتي لأهلي تعزيّن ..

.. لا تنزل دموعك لي طلبتك لاتبكيني ..


..كل اللي أبيه إنك بالخير لي تدعين ..

.. وإنك بالشهر مره بقبري تزوريني ..


..واللي أبيك تعرفيه ومهم إنك تعرفين ..

.. اللي شفتيها معي كانت بموتي تبشّرني ..


..انا اللي خليتك من كيفي عني تبعدين ..

.. لجل ما ينجرح قلبك بلحظة موت تحويني ..


..تكفين لا تظنين إني خنتك ياالغلا تكفين ..

.. وإذا لازلتي تحبيني دايم بالخير ذكريني ..


..سكت وقلت : ياليتني ظليت معك يازين ..

.. وشفت الموت ياخذك مني ولاكذا تخليني ..


..تظنون إني نسيت أو الدمع جف بالعين ؟!

.. لا والله إلين اليوم وهو معي يخاويني ..


..لو تدور الدنيا ولو تمر بعدها سنين ..

.. ما نسيته لو أشوف أحفااادي حواليني ..
الرجوع الى أعلى الصفحة اذهب الى الأسفل
http://samtalayam.mam9.com
 
قصيدة حزينة -تذكرني حبيبي-
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى *-*صمت الايام *-*(وحيدة كالقمر) :: اشعار وخواطر :: الاشعارو وحي الابداعات-
انتقل الى: